ലാളിത്യം കൊണ്ട് തന്നെ അദ്ഭുതപ്പെടുത്തിയ ആളാണ് ബോളിവുഡ് സൂപ്പര്‍താരം ആമിര്‍ ഖാന്‍ എന്ന് നടന്‍ റിയാസ് ഖാന്‍
സൂര്യ ചിത്രം ‘ഗജിനി’യുടെ ഹിന്ദി റീമേക്കിലാണ് റിയാസ് ഖാന്‍ ആമിറിനൊപ്പം അഭിനയിച്ചത്. ഒരു അഭിമുഖത്തിലാണ് റിയാസ് ആമിറിനെക്കുറിച്ച് തുറന്നു പറഞ്ഞത്.
റിയാസ് ഖാന്റെ വാക്കുകള്‍ ഇങ്ങനെ…ആമിര്‍ ഖാന്‍ എന്നെ അത്ഭുതപ്പെടുത്തിയിട്ടുണ്ട്. അദ്ദേഹം എങ്ങനെ ഇത്രയും സിമ്പിള്‍ ആയി ചോദ്യം മനസില്‍ ഉയര്‍ന്നിട്ടുണ്ട്.
പുള്ളിയുടെ ചുറ്റിനും കുറേ ആള്‍ക്കാര്‍ ഒന്നുമില്ല. ഒറ്റയ്ക്ക് നടന്നു വന്ന് എന്നോട് ഒരു ഹെലോ പറഞ്ഞു. അവിടെ നിലത്ത് ഇരുന്നു, എനിക്കൊരു ഓറഞ്ച് തന്നു.
ഞങ്ങള്‍ രണ്ടുപേരും നിലത്തിരുന്ന് ഓറഞ്ച് കഴിച്ചു. ടേക്ക് എടുത്തപ്പോ ബസ് കേറി ഓടി അവിടെ തന്നെ വന്നിരുന്നു.
റോഡില്‍ ഷൂട്ട് ചെയ്തപ്പോള്‍ നമ്മള്‍ രണ്ടും ഓടുകയായിരുന്നു. പുള്ളി ഓടിപ്പോയി ഒരു കോഫീ ഷോപ്പ് പോയി ഇരുന്ന് ഇവിടെ വാ എന്ന് പറഞ്ഞ് വിളിച്ചു, പുള്ളി അങ്ങനെയാണ്. റിയാസ് ഖാന്‍ പറയുന്നു.
2008ല്‍ റിലീസ് ചെയ്ത ‘ഗജിനി’യില്‍ അര്‍ജുന്‍ യാദവ് എന്ന പൊലീസ് ഇന്‍സ്പെക്ടറുടെ റോളിലാണ് റിയാസ് ഖാന്‍ വേഷമിട്ടത്.
തമിഴിലും ഇതേ വേഷത്തില്‍ റിയാസ് വേഷമിട്ടിരുന്നു. ചിത്രം ബോളിവുഡില്‍ സൂപ്പര്‍ ഹിറ്റ് ആയിരുന്നു. 232 കോടിയായിരുന്നു ചിത്രത്തിന്റെ കളക്ഷന്‍.
